قصيدة من بادي الوقت للشاعر الامير خالد الفيصل و الرد عليها بقصيدة من داثر الوقت للشاعر الشيخ محمد بن راشد آل مكتوم
قرأتها و اعجبتني فأحببت ان اشارككم
قصيدة للشاعر الامير خالد الفيصل
من بادي الوقت وهذا طبع الايامي = عذبات الأيام ما تمدي لياليها
حلو الليالي توارى مثل الأحلامي = مخطور عني عجاج الوقت يخفيها
أسري مع الهاجس اللي ما بعد نامي = وأصور الماضي لنفسي واسليها
أخالف العمر وأراجع سالف أعوامي = وأنوخ ركاب فكري عند داعيها
تدفى على جال ضوه بارد عظامي = والما يسوق بمعاليقي ويرويها
الا صفى لك زمانك عل يا ظامي = اشرب قبل لا يحوس الطين صافيها
الوقت لو زان لك يا صاح ما دامِ = يا سرع ما تعترض دربك بلاويها
حتى وليفك ولو هيّم بك اهيامي = سيور الأيام تجنح به عواديها
*الا = وتعني إذا
*عل = اشرب حتى الارتواء
وهذا رد الشاعر الشيخ محمد بن راشد المكتوم
يا مرحبا يا معنى خط الاقلام = مثائل شوقتني في معانيها
حي المثائل يا سلالة نسل الكرام = يا من بيوته عن الزلات يحميها
من داثر الوقت وهذا طبع الايامي = مرات تصفى ومرات الكدر فيها
كم واردا ضاميا صد درب الاحيامي = وكم واردا شرب من صافي مغانيها
لا تنظر اللي مضى وتعد الايامي = ارعى ربيع الزمان أول لياليها
حلو الليالي تعوض مر الايامي = ما يحْسَب الوقت ويفكر في ماضيها
لو كان ما بي كتبته جفت أقلامي = من حرتي أبدع أمثالي واغنيها
ردار فكري يصورلي زمن ماضي = في هندس الليل يوم إرتاح غافيها
يوم الخلايق تنام وفكرها نامي = حرام عيني لذيذ النوم يغفيها
حالي كما عشب صيفٍ صابها الضامي = ولا كما وردةٍ جفت نواديها
نار الغضى والتوقد في بحر طامي = خالد وعيا مولعها يطفيها
ريم رعى في الفياض وزهر الاوسامي = قايد خشوف الجوازي في مفاليها
بأرضٍ محيله ولو توطى لها أقدامي = تزهي وتضحك لها الدنيا وتحييها
سود الليالي مع صلفات الايامي = نأخذ مقادمها ونترك تواليها
نمشي على درب ما تأطأها الاقدامي = وإن وعرت الارض يعجبني المشي فيها
يا خوي انا ريت رويان وهو ضامي = يا كيف عطشان في جاري سواقيها
ريح ضميرك ولو هيم بك هيامي = حقٍ على اللي جرح نفسك يداويها
يا مفطر الوقت هذا شهر الصيامي = وليلة القدر في أخر لياليها
يا زين هد الوحش بعض الايامي = في ديرة قفرة عسره مضاويها
أشقر طويل المعنق يبري أعظامي = صوايده من فنادي الصيد يدميها
يا شيخ هذا زمان كله أنعامي = الذيب جائع وشبعانه حصانيها
لو كان يبغى يغزر نابها الدامي = يا كيف تكسر جوارحها طواريها
وكل مخلوق في هالدنيا فلا دامِ = لابد تنهي مغازلها مطاويها
وأخر كلامي بحرف السين واللامي = والميم والعين تتلاها قوافيها
*ريت = رأيت