منتديات الخوالده
أهلاً وسهلاً بكم
في منتدياتكم
منتديات الخوالدة بني حسن

منتديات الخوالده

منتديات الخوالدة بني حسن بإدارة سالم الخوالدة نتشرف بمشاركاتكم
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 قصيده لفقير خطب بنت عمه

اذهب الى الأسفل 
كاتب الموضوعرسالة
سليمان حسن
عضو مجلس الإدارة
عضو مجلس الإدارة
avatar

عدد الرسائل : 718
العمر : 45
تاريخ التسجيل : 20/01/2008

مُساهمةموضوع: قصيده لفقير خطب بنت عمه   2010-02-09, 14:35

سبحان من يرزق بتوع الملاييـن*** الرازق اللي ما يخيب الرجـا بـه


لي عم عنده معـرضٍ للصواليـن ***أموت واعرف بس من وين جابـه



وإذا سألته قـال بعـت الدكاكيـن***ما يدري إني ما هضمت الإجابـة



الشاهد إني رحت له قبـل يوميـن***في قصره العامـر ودقيـت بابـه



قال أرحب أرحب عدّد ورد البساتين***يا مرحبا باللـي لفـا يـا هلا بـه



قلت البقا عـدّ النفـل والرياحيـن ***يا شيخ شمل أهل الكرم والذرابـه



قال اسلم الله يحفظك لي من العين***وآمر أوامر حضرتـك مستجابـة



قلت الصراحة طالبٍ قرب غاليـن*** ودي تزوجنـي كريمتـك يـابـه



ثنّى وقال أهليـن والله وسهليـن***والكون ترخص لجل عينك رقابـه



لكن ترا عندي شـروط وقوانيـن***قلت اشرط اشرط يا حبيب الغلابـة



قال أولاً مهر العروسـة ثمانيـن***غير الرسوم وغير حق العصابـة



والثانية عمك يبي منـك سبعيـن***رسم الأبـوّة والنسـب والقرابـة



وأم العروسة حقها منـك ستيـن***عشانها ست الحسـن والمهابـة



وإخوانها كلن يبي منـك خمسيـن***عداً ونقـداً تنـدرج فـي حسابـه



وخواتها الخمس عطهن من ثلاثين***عشان تتوثـق عـروق النسابـة



وتجيب طقم عيار واحد وعشرين***وخاتم من الماس المصفى ترابـه



وأكياس متروسة كعوب وفساتيـن***ألوانهـا وأشكالهـا مـا تشابـه



وموتر بسواقـه وفيـلا بدوريـن***أثاثهـا مـن بطرتـه ينحكـى بـه



واحجز لنا قاعة بقصر السلاطيـن***واحجز بهـا رقاصتيـن وربابـه



هذي الشروط اللي على بالي الحين***وذكرني اللي ما حسبنـا حسابـه



قلت اذكر الله يا عـدو المساكيـن***واستغفـره لا يبتلـيـك بعـذابـه



الظاهر إنك منت عارف أنا ميـن ***أنا لو أرقى فـوق متـن السحابـه



ما جبت حتى نص درزن مواعيـن***واضحك بكيفك واعتبرهـا دعابـة



شروطكم هذي شـروط المجانيـن***شروطكم شغـل ابتـزاز ونهابـه



شروطكم تقصم ظهـور البعاريـن***شروطكـم همّـن وغـم وكآبـه



شروطكم والله سيوف وسكاكيـن***تذبح بنات المجتمع مـع شبابـه



وين الرضا والعطف واليسر والليـن***اللي ذكرهـا الله بمحكـم كتابـه



وين الصفات اللي أمرنا بها الديـن **وين اختفى نهج النبي والصحابـة



يا عم جعل اللي خلقنا من الطيـن**يرد عقلك مـن خطـاه لصوابـه



ويجعل نصيبي عند غيرك قل آمين**ويحسن عزا الصابر ويجزل ثوابه



قال أنت لو فكرت تفكير صاحيـن***ما شفت في مجمل شروطي غرابه



حنا بعصـر العولمـة والمزاييـن *** ماهوب عصر الفلسفة والخطابـة



الناس تسعى للرتـب والنياشيـن***وأنت اهتمامك بالشعـر والكتابـة



والشعر ما ينفعك لو هو دواويـن***ما دام جيبك مثـل بيـت الخرابـة



يا بوك لا تسمع كلام المصاخيـن***واسأل مجرب عاش في وسط غابه



قلت الله أكبر يا محـرر فلسطيـن ***من يسمعك يحسبك ذيـب الذيابـه



تراك شايب رأس مالـك رياليـن ***والبنت ما تسوى جنـاح الذبابـة



قال انقلع مالت على وجهك الشين****لا عاد أشوفـك عندنـا يالزلابـه



قلت ابشر أبشر لكن الباب من وين**وأقفيت من عنده على صوت بابـه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أحمد الخوالدة

avatar

عدد الرسائل : 923
العمر : 44
تاريخ التسجيل : 30/09/2009

مُساهمةموضوع: رد: قصيده لفقير خطب بنت عمه   2010-02-10, 10:06


حنا بعصـر العولمـة والمزاييـن *** ماهوب عصر الفلسفة والخطابـة


قصيدة جميلة جدا


واختيار جميل



مشكوور على المساهمة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شريف الخوالدة
الإدارة
الإدارة
avatar

عدد الرسائل : 1233
العمر : 35
تاريخ التسجيل : 13/12/2007

مُساهمةموضوع: رد: قصيده لفقير خطب بنت عمه   2010-02-10, 22:56

هههههههههههههههه


حوار رائع جدا في قصيدة جميلة


الله يجزاك خير


مشكووووووووووووووور جدا


...................................................................................شريف

.

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.khleeg.com
 
قصيده لفقير خطب بنت عمه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الخوالده :: منتديات الشعر والقوافي :: منتدى الشعر-
انتقل الى: