قصيده مؤثرةللشاعره عيون المها

بسم الله الرحمن الرحيم
السلام عليكم ورحمة الله وبركات

سألت عن طفل لبس جـرد الاسمـال

وعليه مـن جـور الليالـي مقاسـه

عمره صغير مثقلـة كثـر الاحمـال

بايـن حياتـه كـل ابوهـا تعاسـه

سألت هو منهـو؟ ووش فيـه مهتـال

وش به تقل ماهوب في وسـط ناسـه

وش بالطفـل عينـه تغـورق ولازال

مـن كثـر تنهيتـه تطايـر انفاسـه

سألت هو تعبان؟ وهو ضايق البـال؟

قالـوا يتيـم ومستحـي مـن لباسـه

قصـران ومتشقـق ولاعنـده عقـال

وامه خذاهـا المـوت بعـد انتكاسـه

جيت اسأله والقلـب صايبـه ولـوال

ودي أخفـف عنـه بعـض التعاسـه

وش بك حبيبي افرح العمـر باقبـال

بكي وناظـر لـي ووطـى براسـه

يقول كيف افرح وانا ريحـة الشـال

اشمهـا حتـى بمـكـان الـدراسـه

واتذكـر ليـا لبستنـي وانـا اختـال

من فرحتي بالعيد فـي وسـط ناسـه

واتذكر كلمتها ( متى تصير رجال )؟

متى تشيـل الحمـل وتـدق ساسـه

راحت وخلتني وانـا كيـف باحتـال

مادام مالي .. أم .. ويـن الوناسـه؟

ودي تضمن واشعـر براحـة البـال

واحط راسـي بيـن عنقـه وراسـه

واشم ريحتهـا مثـل كـل الاطفـال

واكل معـه واشـرب وسـط كاسـه

وتضفني عن مرت ابو عن مرت خال

وتضفني عن كـل مـن بـه نجاسـه

ياالله ياربـي متـى اصيـر رجـال؟

ابنتهـض يـاالله ومنـك الحـراسـه

عهد على لاحط علـى قبـره ظـلال

واغرس غريس يوقيه مـن شماسـه

ولا ازورها كـل أول وآخـر هـلال

والا ان حصل لا احرس ثراها حراسه

وسلامتكم

يسلموووووووووووو على القصيدة الراااااااااااائعة

الله يعطيك العافية

(((((((((((((((((((((((((((((((( شريف ))))))))))))))))))))))))))))))))

.